غرامة توصل لـ٥٠٠٠ جنيه على اللي هيرمي الزبالة في الشارع

اللواء هشام عبد الحميد رئيس حي الزيتون، قال إن محافظ القاهرة منح صفة مأمور ضبط قضائي، لرؤساء الأحياء والمعاونين ومشرفي النظافة، عشان يسهل سرعة ضبط أي حد يرمي زبالة في الشارع وتغريمه بدفع مبلغ يتراوح ما بين ٢٠٠ جنيه لحد ٥٠٠٠ جنيه، القرار ده جه في محاولة لرفع مستوى النضافة في الشارع، غير إنه تم إطلاق مبادرات من المحافظة للحفاظ على البيئة، وآخرها حملة “خليك زي آدم”

وأعلن اللواء محمد كمال الدالي محافظ الجيزة، تطبيق غرامة مالية قدرها ٥٠٠ جنيه للي مش هيلتزم بترشيد استهلاك المياه، زي إنه يسيب خراطيم المياه مفتوحة في الحدائق، أو يغسل عربيات في الشارع أو يرش المياه قدام المحلات، وغيرها من أشكال الإسراف، وانطلقت مبادرة لترشيد استهلاك المياه ورفع توعية المواطنين، وتعريف الجمهور بالمحاولات اللي بتقوم بيها الدولة للحفاظ على المياه.