وقفة بتطالب بقفل محلات بيع الحيوانات الأليفة

بنتين من سكان المعادي وجهوا دعوة من خلال إيفينت على الفيسبوك، لقفل كل محلات بيع الحيوانات الأليفة، بسبب الإهمال اللي بتتعرضله الحيوانات في المحلات دي. البنات دول عاملين وقفة النهاردة أمام محل حيوانات عند جراند مول، الساعة 9 مساءً، وده علشان في قطة وكلب ماتوا في المحل ده، بسبب إهمال أصحاب المحل، حسب كلام البنات.

الدعوة للتجمع جت بعد ما صاحب المحل رفض يتكلم مع واحدة من البنات اللى عملوا الإيفنت وطردها لما حاولت تدافع عن الحيوانات قبل ما يموتوا. البنات قالوا في دعوتهم إن الحيوانات بتتحط بأعداد كبيرة في أقفاص صغيرة ومافيش فيها تهوية وحرارتها عالية، وده بيتسبب في مرضها أو حتى موتها زي ما حصل.

لينك الإيفنت : https://www.facebook.com/events/176985596353038/