المجلس الأعلى للإعلام حدد عدد الفواصل الإعلانية في مسلسلات رمضان

قال المخرج محمد فاضل رئيس لجنة الدراما بالمجلس الأعلى للإعلام، إن المجلس حدد عدد الفواصل الإعلانية بحد أقصى 3 فواصل بس على مدار عرض المسلسل الواحد، وقال إن الإعلانات الكتير بتقطع العمل الدرامي وبتشوه معناه. 

محمد فاضل قال كمان إن  القانون 54 لسنة 54 يمنع الاعتداء على المحتوى الفكري لصاحب العمل، سواء المؤلف أو المخرج، وده بيمنع قطع أي مشاهد أو إعادة مونتاجها زي ما بتعمل بعض القنوات، وقال إنهم بعد الأبحاث لقوا إن فيه بلاد زي الصين بتمنع الإعلانات بالكامل في الدراما، واحنا في مصر بنحاول نقنن الوضع.

المخرج قال كمان إن اللجنة من حقها ترفض أي مسلسل اتقدم ليها ناقص وماكملش تصويره.