Copied
مصور بيعمل منتجات مستوحاة من شخصيات فنية
ابتدى بفاطمة كشري وحلاوة العنتبلي ولسه مكمل
30 أغسطس 2017
الفنان وال Art Director "أحمد المرشدي" ابتدى مشروع جديد بيعمل فيه منتجات مستوحاة من شخصيات فنية عملت أدوار في السينما أو التليفزيون، أول 4 منتجات من تنفيذه كانت علبة كشري واسم البراند "فاطمة كشري" اللي كانت بتقوم بدورها عبلة كامل في مسلسل "لن أعيش في جلباب أبي".
من نفس المسلسل عمل من شخصية "الحاج إبراهيم سردينة" اللي كان بيمثلها الفنان الكبير"عبد الرحمن أبو زهرة"، عمل علبة سردين، وعلبة حلاوة على اسم شخصية حلاوة العنتبلي اللي قدمها الفنان "صلاح نظمي" في فيلم على "باب الوزير"، وعصاير السكري اللي مستوحاه من شخصية رمضان السكري اللي قدمها "حسن مصطفى في مسرحية العيال كبرت.
الحاج إبراهيم سردينة - مسلسل لن أعيش في جلباب أبي 1995
فاطمة كشري - مسلسل لن أعيش في جلباب أبي 1995
حلاوة العنتبلي - فيلم على باب الوزير 1982
عصائر السكري - مسرحية العيال كبرت 1979
- الموضوع اللي فات مصر في قايمة أكتر 15 بلد فيها ستات حلوة
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
