فيديو: بلاغ ضد مستشفى القصر العيني بسرقة قرنية مريض

وقال أخو المتوفى، أحمد عبد الفتاح عبد اللطيف، لموقع "اليوم السابع": "نقلنا أخويا للمستشفى لعمل قسطرة على القلب بس الأطباء قالوا لنا إنه مش محتاج عملية وهيتحجز فترة بس، لكننا اتفاجئنا امبارح الساعة 11 إلا ربع بالمستشفى بتتصل يبلغونا إن الحالة اتوفت".

وأضاف أخو المتوفي إنه فور وصوله للمشرحة كان النور مقطوع، على الرغم من إنه شغال في كل المستشفى، ولما استخدموا كشافات الموبايلات للإضاءة لاحظوا إن عيون المتوفي فيها نزيف، ولما فتحوها مالقوش القرنية، وقتها اتخانق مع العاملين واتصل بالنجدة. وبعد فترة اتنقلوا لقسم مصر القديمة وحرر محضر برقم 5505/2018 واتحول لنيابة السيدة زينب.

النيابة قررت تحويلهم للطب الشرعي، اللي بدوره أثبت إن فعلًا تم سرقة القرنية لكن لسه مأثبتش ده تم قبل الوفاة ولا بعدها.