وزارة الصحة هتعمل شبكة إلكترونية تربط كل الصيدليات علشان يمنعوا غش الدوا

وزارة الصحة بالتعاون مع نقابة الصيادلة، هتعمل شبكة ربط إلكتروني للصيدليات، علشان يحاربوا غش الدواء ويعرفوا بسهولة أصناف الدوا الناقصة والسوق محتاج إيه. الشبكة الإلكترونية دي هتربط 73 ألف صيدلية ببعض في كل مكان في الجمهورية، وهيكون فيها بيانات كل صيدلية وأكواد إلكترونية موحدة لكل صنف دوا.

الوزارة قالت كمان، إن الربط الإلكتروني هيساعد الصيدليات في التواصل ونقل المعلومات والبيانات بينهم بشكل سريع وفعال، وهيعمل قاعدة بيانات موحدة لكل الصيدليات الحرة.