أبليكيشن "سوا كار" خد حد في طريقك وأقسموا تمن البنزين

مع تحرير سعر الصرف ورفع الدعم عن البنزين والمحروقات، أسعار التوصيلة بقت أكتر بكتير، والناس اللي كانت متعودة تستخدم تطبيقات -أبليكيشنز- زي أوبر وكريم، بقت مضطرة تدفع فلوس أكتر بكتير، علشان كدة ظهرت بدايل تانية بأفكار مختلفة، زي تطبيق "سوا كار". "سوا كار" بيقولك لو عندك عربية شوف أنت رايح فين وخد حد في سكتك، بس كدة.

سكاي نيوز عربية عملوا فيديو عن التطبيق واستطلعوا آراء ناس من اللي بيعتمدوا عليه، واللي قالوا إنه بيوفر عامل الأمان، وكمان أرخص، لأنه مش معمول علشان صاحب العربية يعمل دخل يومي شهري، الغرض منه بس إنه يجمع تمن تفويلة البنزين، ومش هيضطر يغير طريقه ولا يشتغل سائق خاص. الأبليكيشن عدد مستخدمينه بيزيد، ومتوقع قريب توصل ل 80 أف مستخدم.