ضرائب جديدة على الدخل والميراث وفاتورة الموبايل

مجلس النواب وافق النهاردة على فرض مجموعة ضرائب ورسوم جديدة على المواريث والدخل وفاتورة الموبايل واستخراج جوازات السفر وتراخيص العربيات. 

ضريبة الدخل: وافق البرلمان على مشروع القانون المقدم من الحكومة بتعديل بعض أحكام القانون رقم 91 لسنة 2005، بخصوص الضريبة على الدخل، التعديل الجديد هيخلي شرائح ضرائب الدخل كالتالي:
«الشريحة الأولى: حتى 8000 في السنة (معفاة من الضريبة). الشريحة الثانية: أكثر من 8000 جنيه وحتى 30 ألف جنيه (10%). الشريحة الثالثة: أكثر من 30 ألف جنيه وحتى 45 ألف جنيه (15%). الشريحة الرابعة: أكثر من 45 ألف جنيه وحتى 200 ألف جنيه (20%). الشريحة الخامسة: أكثر من 200 ألف جنيه (22.5%).

وهيتم منح أصحاب الشرائح خصومات في أول مرة سداد، الشريحة التانية هيتخصملها 85%. الشريحة التالتة هيتخصملها 45%. الشريحة الرابعة هيتخصمها 7.5%.

رسوم خطوط الموبايل: كل لما تشتري خط موبايل هتدفع 50 جنيه رسوم، كمان هتدفع 10 جنيه رسوم لما تيجي تسدد فاتورة موبايلك.

رسوم طلب الحصول على الجنسية: لو عاوز تاخد الجنسية المصرية هتدفع رسوم الطلب 10 آلاف جنيه بدل 50 جنيه.

رسوم تراخيص العربيات: هتدفع 3000 جنيه بدل 1000 جنيه رسوم.

رسوم استخراج أو تجديد جواز السفر: 200 جنيه بدل 54 جنيه.

وأخيرًا فرض ضريبة على المواريث والتركات، تحديدًا العقارات، يستثنى منها القرى والنجوع