يوتيوب بيدور على المواهب العربية في الموسم التاني من مسابقة NextUp

يوتيوب بدأت نسختها التانية من مسابقة NextUp واللي بتدور من خلالها على موهوبين عرب في مجال تقديم المحتوى المختلف على يوتيوب، بيدوروا على "يوتيوبرز" يعني. المسابقة بتدي فرصة ل12 واحد هيكسبوا ويروحوا رحلة مدفوعة الأجر في دبي، وهناك هيحضروا ورش عمل وتدريبات علشان يتعلموا ازاي يطوروا مهاراتهم في صناعة الفيديوهات.

كمان الفايزين هياخدوا قسيمة بقيمة ألفين دولار أمريكي علشان يشتروا بيها معدات إنتاج وتصوير، وشوف بقى الدولار عامل كام دلوقتي! اهيكون في إشراف ونصايح من ناس بتفهم في المجال ده، ومن الناس اللي فازوا السنة اللي فاتت. مجال صناعة المحتوى على يوتيوب بقى واسع جدًا وبقى له نجومه في كل الوطن العربي، في مصر مثلا: شادي سرور، إنجي عبد الرحمن وهشام عفيفي.. إلخ.