مطار القاهرة استقبل أول طيارة جاية من روسيا بعد توقف الرحلات سنتين ونص

في الساعات الأولى من النهاردة الخميس، وصلت لمطار القاهرة الدولي أول رحلة طيران جاية من العاصمة الروسية موسكو، تابعة لشركة طيران "إيرفلوت"، وده بعد ما حركة الطيران وقفت لأكتر من سنتينبعد حادثة الطيارة الروسية اللي وقعت في سينا سنة 2015.

المحاسب مجدي اسحاق، رئيس شركة ميناء القاهرة الجوي، واللواء محمد كامل، رئيس الشركة المصرية لخدمات الطيران، استقبلوا ركاب الرحلة ال160 بالورد وفريق العلاقات العامة خلصلهم كل الإجراءات في المطار. كمان النهاردة الصبح استأنفت مصر للطيران رحلاتها لموسكو وهيعملوا 3 رحلات كل أسبوع.