"آيسل خالد" بتمثل مصر في مسابقة "أجمل وجه"

آيسل خالد وصيفة ملكة جمال آسيا والمحيط الهادي 2016، واللي تم اختيارها ضمن أفضل 10 متسابقات في مسابقة ملكة جمال مصر وفازت بلقب ملكة الجمال الأكثر شعبية، هتسافر الهند النهاردة علشان تمثل مصر مع 45 دولة تانية في مسابقة "أجمل وجه" العالمية 2017. 

دي تاني مرة "آيسل" تمثل مصر في مسابقة زي دي، المرة اللي فاتت كانت في مسابقة ملكات جمال آسيا اللي كسبت فيها أجمل وجه طبيعي، علشان هي الوحيدة اللي ماعملتش ولا عملية تجميل وكانت تستحق اللقب.

ظهور "آيسل" ماكانش بس في مسابقات الجمال، لكن كمان في ماتش الأهلي والزمالك في السوبر، لما حضرت في المدرجات بالتاج، وده خلى كل الناس تعرفها وتتكلم عنها. "آيسل" عندها 20 سنة وبتشجع الزمالك.