أبلكيشن Be My Eyes هيخليك تساعد المكفوفين يشوفوا

سمعت عن أبلكيشن اسمه Be My Eyes؟ طب حتى لو ماسمعتش، إيه رأيك لو هتساعد المكفوفين في كل العالم إنهم يشوفوا؟ لو ترجمت اسم الآب ترجمة حرفية، هتلاقي معناه "كن عيني" يعني أنت هتبقى عيني اللي هشوف بيها، وهي دي فكرته.

أول ما تسطب الأبلكيشن هيقولك محتاج مساعدة ولا عاوز تتطوع وتساعد؟ هتعمل أكونت عادي، ولو أنت مبصر، الأبلكيشن هيبعتلك لما يبقى في حد محتاج يشوف حاجة، بتقبل الريكويست وهيظهرلك الشخص الكفيف اللي محتاج مساعدتك، والصورة اللي هو عاوزك تشوفهاله، كل اللي عليك توصفله الصورة وتوضحاله على قد ما تقدر. بكدة يكون شاف بعينيك.