أحسن لاعب كورة في العالم للصم والبكم بيبيع خضار

"'طارق النجار" أحسن لاعب في العالم لكرة القدم للصم والبكم، لكن حاليًا بيبيع خضار وفاكهة في الشارع. انتشرت صور وحكاية طارق بشكل واسع على السوشيال ميديا، وتداول الناس صور ليه وهو في السوق بيشتغل في تجارة الفاكهة والخضراوات علشان يقدر يعيش.

شارك طارق مؤخرًا مع المنتخب في كاس العالم للصم والبكم، اللي اتعمل في تركيا، وحقق المنتخب المصري الميدالية البرونزية في البطولة دي، لكن أول طارق ما رجع، نزل يشتغل على عربية فاكهة. "طارق" طلع في مداخلة تليفونية في قناة DMC وقال: "سلام عليكم، عاملين إيه، كل سنة وأنتم طيبين، هناك مشكلة تواجه كل لاعبي منتخب مصر للصم والبكم، أنا السنة اللي فاتت جبت جائزة أفضل لاعب في العالم، زي ميسي وكريستيانو رونالدو، والوزير اعطانى مكافأة 60 ألف جنيه، ولم يتم صرفها بعد"