محافظة القاهرة هتعمل عربيات متنقلة لإصدار التراخيص

حي غرب القاهرة هيبدأ من يوم الاتنين اللي جاي في تنزيل عربيات في شوارع وسط البلد وبالتحديد جاردن سيتي ومنطقة الزمالك التابعة للحي، كل عربية فيها اتنين موظفين وجهاز كمبيوتر بيجددوا من خلاله التراخيص أو بيصدروا التراخيص الجديدة للمواطنين أو أي إجراءات قانونية تانية بتخص الحي، زي تراخيص الإعلانات والجراجات وتجديد تراخيص المحلات وإصدار تراخيص الهدم أو البناء. المشروع بيتنفذ بالتعاون مع جاهز التنمية الإدارية ووزارة التخطيط وبتمويل من الوكالة الألمانية للتنمية GIZ. 

ووضحت إيمان يونس المستشار الإعلامي لرئيس حي غرب القاهرة، إن في خلال الفترة الجاية هيستلم الحي عربيات مجهز بالكامل من الوكالة الألمانية للتنمية، فيها أماكن مخصصة لأجهزة الكمبيوتر والطابعات وكمان هيتم تثبيت ماكينات بتشتغل بنفس طريقة ماكينات السحب النقدي ATM متصلة بالنت، يقدر المواطن من خلالها يحصل على الترخيص اللي هو عايزه، وأضافت إن المنظومة الجديدة لسه في مرحلة التجربة وهيتم دراسة تعميمها.