طفل في المنوفية بيلعب "كاراتيه" مع زميله في المدرسة فقتله بالغلط

اتنين أطفال بيلعبوا مع بعض كاراتيه في المدرسة، بس اللعب انتهى نهاية مأساوية، الولدين في الصف الخامس الابتدائي، وكانوا في مدرسة بابل الابتدائية مركز تلا بمحافظة المنوفية، وبيلعبوا مع بعض عادي زي كل يوم، بس واحد من الطفلين وجه ضربة لزميله، سببتله نزيف في المخ ومات.

وكيل وزارة التربية والتعليم بالمحافظة، قال إن الطالب ضرب زميله أثناء اللعب وماكانش في أي تعمد. كمان وكيل الوزارة استبعد مدير المدرسة وحول المشرفين والأمن للتحقيق، وحول الواقعة كلها للنيابة علشان تتولى التحقيق.

 صورة الموضوع أرشيفية