الصين جمدت جسم واحدة ست قبل ما تموت علشان يرجعوها للحياة

الصين بتعمل كل حاجة، وحاليًا طالع في دماغهم إنهم يحيوا الأموت -أستغفر الله العظيم يعني- اللي حصل إن مؤسسة "ينفنغ" الصينية لعلوم الحياة، عملت تجربة وجمدت جسم بني آدم بالكامل، علشان يعملوا تجارب يحاولوا من خلالها يرجعوه للحياة! الخبر اللي نشرته سكاي نيوز نقلا عن صحيفة "تشاينا ديلي" المحلية، بيقول إن في 8 مايو اللي فات، الأطباء جمدوا جسم واحدة ست اسمها "زهان وينليان" قبل إعلان وفاتها بدقايق، وهيحاولوا يرجعوها للحياة مستقبلا لو في إمكانية يعني.

الجثة تم حقنها بمواد تمنع تلف الخلايا وتمنع عنها أضرار التجمد، ودخلولها 2000 لتر "نيتروجين سائل" علشان حرارتها تنزل ل190 تحت الصفر وتتجمد. الصين هتعمل فينا إيه تاني؟!