موظفين في محافظة "المنيا" بيتعلموا لغة الإشارة علشان يتواصلوا مع الصم

محافظة المنيا بدأت في تنفيذ برنامج "لغة الإشارة"، البرنامج هيعلّم الموظفين العاملين في مبنى المحافظة، لغة الإشارة، علشان يعرفوا يتواصلوا مع الصم وضعاف السمع. البرنامج ده تحت إشراف "أكاديمية  رواد الوطن"، اللي بتدرب الموظفين في القطاعات الحكومية المختلفة على كيفية التعامل مع الفئة دي من المواطنين.

محافظ المنيا بعد ما افتتح المشروع، أكد على أهمية دمج أصحاب الإعاقات السمعية في المجتمع، ووضع برامج عالية المستوى علشان الصم يحسوا بأهميتهم في المجتمع. تعتبر محافظة "المنيا" أول محافظة بتبدأ المشروع ده بشكل رسمي.