1.5 مليار درهم بيتصرفوا سنويًا على عمليات التجميل في الإمارات 50% منهم للرجالة

مجموعة أطباء مختصين في التجميل، قالوا على هامش المؤتمر الدولي لجراحة التجميل والترميم في الإمارات، إن الإنفاق على عمليات التجميل في الدولة وصل لمبلغ 1.5 مليار درهم في السنة الواحدة، وتوقعوا كمان زيادة في الرقم ده بنهاية السنة الحالية. الأطباء كمان وضحوا إن 50% من اللي بيعملوا عمليات التجميل في الإمارات رجالة، وبيعملوا حاجات زي تحديد وشد الحواجب والرموش وعمليات كانت بتعتبر حكر على الستات بس.

المؤتمر ده بتنظمه  جمعية الإمارات لجراحة التجميل وشركة «سيجما» برعاية من هيئة الصحة بدبي، وبمشاركة 250 دكتور مختص في التجميل. رئيس الجمعية الدكتور مروان الزرعوني، قال العمليات في السابق كانت 70% ستات و30% رجالة لكن دلوقتي النسبة اختلفت، كمان حسب كلامه، معظم العمليات لأسباب ترفيهية مش علاجية خالص.