هدم ملاهي "السندباد" وهيعملوا مكانها مباني سكنية

هو مؤخرًا ماكانش حد بيروح ملاهي "السندباد" ولا حد فاكرها أصلًا، بس خبر هدمها علشان يتبني مكانها أبراج سكنية، كان خبر حزين جدًا خصوصًا لمواليد التمانينات وأوائل التسعينات اللي راحوا الملاهي في كل رحلاتهم المدرسية. مؤخرًا صدر قرار بهدم مدينة ملاهي "السندباد" في مصر الجديدة، وهيطلع مكانها مباني وأبراج سكنية، بعد ما فضلت شغالة من وقت افتتاحها سنة 86.

أحد الأسباب اللي أدت للقرار ده هي المشاكل المادية اللي بتواجه المدينة، وكانت سبب في توقفها عن العمل من كام سنة، رغم إن الإدارة كانت بتقول إن التوقف عن العمل بهدف الصيانة، لكن خلاص، مافيش لعبة "الغربال" تاني يا جماعة ولا "السجادة" ولا "بيت الرعب" اللي كان بيضحك مش بيرعب.