دراسة : الدكاترة بيقتلوا 7 آلاف شخص سنويًا بخطهم الوحش

المعهد الوطني لكلية الطب والأطباء في الولايات المتحدة، عمل دراسة تفند الأسباب ومضاعفات كتابة الدكاترة للروشتات بخط وحش، ذكرت الدراسة إن الدكاترة قالوا أسباب، منها إن حجم الورقة بتاع الروشتة بيبقى صغير، وإن أغلب الدكاترة بيبقوا مستعجلين يخلصوا الكشف بسرعة عشان اللي بعده، فبيكتبوا الدواء بسرعة وبيركزوا على توضيح الأحرف الأولى المميزة للدواء.

وقالت الدراسة إن الخط الوحش ليه مضاعفات خطيرة، لإنه بيصعب مهمة الصيدلي في القراية، وتأمين الدواء الصح للمريض، وده بيتسبب في قتل 7 آلاف شخص سنويا، ده غير نصف مليون شخص بيعانوا من إصابات سنوية في الولايات المتحدة فقط، بسبب الدواء الغلط، وفق الدراسة نفسها، في حين أثبتت الدراسة إن نسبة الغلط في شراء الدواء بناء على وصفة مبعوته ع الميل ما بتعديش 10٪