وزارة الآثار طلبت تبرعات للمتحف الكبير علشان تفتحه في 2018

الدكتور طارق توفيق، المشرف العام على المتحف المصري الكبير، كشف عن تبرع سائح أجنبي اسمه John Robert Massi للمتحف المصري الكبير، مساهمة منه في الإنشاء والتجهيز. وده في إطار الحملة اللي نشرتها وزارة الآثار لفتح باب التبرعات، للمساهمة في إنهاء أعمال البناء والتجهيز للمتحف من خلال حساب خاص في البنك المركزي. ووضّح إن الغرض من الحملة مش جمع التبرعات بس، فيه هدف أهم وهو الترويج للمتحف بالتزامن مع قرب افتتاحه السنة دي.

من المعروف إن المتحف هيضم أكبر عدد من القطع الأثرية (100 ألف قطعة أثرية)، ومدرسة لتعليم الأطفال فن التحنيط والرسومات الفرعونية. في تقرير عملته «CNN بالعربية»، قالت فيه إن الناس مستنية تصميمات معمارية جديدة في 2018 من أهمها المتحف المصري الكبير في الجيزة.