القيادة العامة لشرطة دبي، عملت مذكرة تفاهم مع بنك دبي الإسلامي، علشان يوفروا للمواطنين خدمة تقسيط المخالفات المرورية عن طريق البطاقات الائتمانية، وكمان بدون فوايد وفترات السداد بتبدأ من 3 شهور لحد 12 شهر وحاجة زي الفل. كل ده هيحصل لو مخالفاتك 500 درهم أو أكتر، فمش لازم ساعتها تدفع كله مرة واحدة، قسط مع البنك بدون فوائد، كأنك بتشتري شقة في مشروع إسكان المعلمين.
العميد حميد سالم خليفة السويدي، من قيادة الشرطة، قال إن توقيع الاتفاقية دي، حاجة مبتكرة وجديدة من شرطة دبي، والهدف منها التيسير على الناس اللي بتتعامل معاهم وفي إطار تحقيق هدف شرطة دبي في إسعاد المجتمع وراحته وتحقيق الخدمة من منافذ مختلفة.
