معماري مصري يفوز بجائزة تصميم عالمية

من فجر التاريخ والمعمار المصري متفوق وخلق معجزات شايفينها للنهاردة في المعابد والأهرام، المعماري "أحمد جبر" كسب واحدة من أبرز جوايز التصميم في العالم، "The Arabian African Property Award".

المعماري المصري بدأ تصميماته لأول مرة سنة 2012، بأسلوب جديد في التصميم، إنه الشخص بيقوم بكل المشروع لوحده، على عكس المتعارف عليه من تقسيم المشروع على مجموعة من الأفراد، كل فرد متخصص في حاجة معينة.

جبر كمان بيقول إنه كمعماري بيهتم بتخطيط الأرضية، لإنك مهما اختارت كنب أو أثاث جميل وألوانه جميلة، فوجوده في الأوضة مش هيبقى حلو إلا لو محطوط في مكانه المناسب، وإلا الأوضة هيبقى شكلها عشوائي وفوضوي، وبالعكس مش هتبقى جميلة بعد كل ده.