مصر هيحصل فيها أطول خسوف كلي للقمر في القرن 21

الدكتور أشرف تادرس رئيس قسم الفلك بالمعهد القومي للبحوث الفلكية، قال إن هيكون في خسوف كلي للقمر يوم 27 يوليو هيستمر لمدة ساعتين إلا ربع تقريبًا أو بالتحديد 103 دقيقة، وهيبدأ الساعة 7 إلا ربع مساءً وقمته الساعة 10 وتلت، وهينتهى تمامًا الساعة 1 ونص صباحًا، وده بيعتبر أطول خسوف كلي للقمر في القرن الـ 21، وبيطلق عليه "القمر الدم" بسبب لونه البرتقالي ، وفي اليوم ده هنقدر نشوف كوكب المريخ بالعين المجردة لو كانت السماء صافية بسبب لمعانه القوي.