حملة لتنشيط السياحة في مصر على National Geographic
من أبريل لـ يوليو 2018
اتعاقد رئيس هيئة تنشيط السياحة، "هشام الدميري"، على عمل حملة دعائية على شبكة قنوات ناشيونال جيوجرافيك وشبكات التواصل الاجتماعى الخاصة بيها. المفروض تبدأ في أبريل وتستمر لحد آخر يوليو 2018 وهتستهدف دول زي: إنجلترا وألمانيا وبولندا والتشيك وبلجيكا.
الحملة دي في ظل استراتيجية هيئة تنشيط السياحة لاستخدام أساليب الدعاية الحديثة وتنوع وسائل الترويج للمزارات السياحية المصرية المختلفة، بالإضافة لاستخدام الإعلانات المباشرة ووسائل الإعلان التقليدية.
وأوضح "الدميري" إن القنوات هتنتج محتويات إبداعية عن منتجات سياحية متنوعة هيتم عرضها على القنوات التليفزيونية ومواقع التواصل الاجتماعي كنوع من الدعاية غير المباشرة لمصر.
جدير بالذكر إن هيئة تنشيط السياحة عملت قبل كده حملة على شبكات وقناة Discovery في الربع الأخير من 2017، إضافة لرعاية الهيئة لنشرة الأخبار الجوية على قناة CNN واللي هتستمر حتى نهاية الحملة فى سبتمبر 2018.
- الموضوع اللي فات حوار مع مصور بريطاني جه مصر عشان يوثق الحرف اليدوية في الدرب الأحمر
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
