تراجع نسبة البطالة في مصر ل 11.98 %

الجهاز المركزي للتعبئة العامة والإحصاء في مصر، قال خبرين، واحد حلو وواحد وحش، نبدأ بالوحش: أعداد العاطلين عن العمل في مصر وصلت لأكتر من 3.4 مليون شخص. الحلو بقى إن الرقم ده أقل من الرقم بتاع السنة اللي فاتت بحوالي 64 ألف واحد. النسبة السنة اللي فاتت كانت 12.5 %، ودلوقتي وصلت ل 11.98 %، وده تقدم بطيء، لكنه تقدم.

الجهاز وضح تفاصيل أكتر، زي إن معدل البطالة بين الستات اللي بتتراوح أعمارهم ما بين 18 و 29 سنة 38.3%، لكن النسبة في الرجالة 21.6% بس، كمان نسبة الناس اللي بتشتغل في عمل دائم 45%، ونسبة اللي بيشتغلوا بعقد قانوني 23.9% ذكور، و 42.9% إناث. ربنا يفتحها في وشنا.