مصر كسبت 4 ميداليات ذهبية في بطولة العالم لرفع الأثقال

أبطال مصر في الألعاب المختلفة حققوا عدد من الميداليات الذهبية في البطولات اللي بيشاركوا فيها. البداية مع البطل الأوليمبي محمد إيهاب اللي جابلنا 3 ميداليات ذهبية في بطولة العالم لرفع الأثقال اللي بتتلعب في أمريكا. إيهاب بيلعب في وزن 77 كيلو وأخد 3 ميداليات في منافسات الخطف والكلين والمجموع. محمد كان سبق وجاب ميدالية برونزية في أوليمبيات ريو دي جانيرو 2016.

سارة سمير مش أقل بقى من محمد إيهاب، سارة هي كمان بطلة أوليمبية وهي كمان جابت ميدالية. سارة كسبت ميدالية ذهبية في رفعة النطر، وفي نفس بطولة العالم الموجودة حاليًا في أمريكا، بعد ما قدرت ترفع 136 كيلو.