المصريين من أقل الشعوب اللي بيترفض لها طلبات لجوء لأمريكا

تقرير لجامعة سيراكوس الأمريكية أظهر إن طلبات اللجوء لأمريكا المقدمة من مواطنين مصريين تعتبر من بين أقل الطلبات اللي بيتم الرد عليها بالرفض، وتبلغ نسبة رفض لجوء المصريين 11.1%، ودي تعتبر نسبة متدنية جدًا مقارنة بدول تانية.

التقرير تناول الفترة الزمنية من سنة 2012 لـ 2017، وأظهر كمان إن السوريين بيتمتعوا بمعدلات رفض متدنية برضه، بتوصل نسبتها لـ18.5%، إلى جانب دول تانية زي إثيوبيا بنسبة 17%  والصين 20%.

على الصعيد الآخر الدول اللي بيتعرض مواطنيها من طالبي اللجوء لمعدلات رفض عالية، بيجي في صدارتها المكسيك بنسبة رفض 88% بعدها تاهيتي بنسبة 86.1% ثم السلفادور بنسبة 79.2%، والصومال بنسبة 59.4%.