عزت أبو عوف بيشتكى للسيسي من فاتورة الكهرباء

الكهربا غليت على الكل، وده خلّى الفنان "عزت أبو عوف" يناشد الرئيس السيسي شخصيًا للتدخل في حل أزمة فاتورة كهربته اللي جت بـ 13 ألف جنيه. لكنه اتعرض لإنتقادات، إتهامات بالخيانة وبكونه إخوان. وعليه، مسح البوست.

بداية الموضوع لمَّا عزت كتب في بوست على الفيسبوك: "انتم عارفين إني من أكبر المشجعين للرئيس السيسي، لكن لما توصلني فاتورة كهرباء عن شهر واحد لبيت ساكن فيه ٣ أنفار (أنا ومراتي وابني) ومعندناش لا ضيوف ولا يحزنون بمبلغ ١٣٠٠٠ جنيه، فلازم اسأله: ايه اللي بيحصل ده يا ريس؟، ده أنا لو مصنع مش حاخد بـ ١٣٠٠٠ جنية كهربا، وبسأل المحصل قالي ما حضرتك ساكن في پالم هيلز!!!! يا سلام، هو اللي ساكن في پالم هيلز ده لازم يبقى أوناسيس مش ممكن يعني يكون مُفلس ومعهوش ١٣٠٠٠ جنيه، مش عارف أقولك ايه يا ريس لكن الحقنا أرجوك".