مصر هتعمل مجلس جديد متخصص في الموضة والأزياء

وزير التجارة والصناعة طارق قابيل قال إنه حريص على الارتقاء بجودة المنتج المصري، وتنافسه في العالم كله، وعشان كده بعد لقاء مع ممثلي الشركات المصرية في مجالات الموضة والأزياء والمجوهرات والتوكيلات التجارية، تم الاتفاق على إنشاء أول مجلس مصري للأزياء والتصميم والموضة، اللي بيهدف للارتقاء بجودة المنتجات المصرية بالأسواق العالمية.

الوزير قال إن مصر عايزة ترجع تاني ترتقي بصناعة المنسوجات والملابس، وهتعمل أسبوع موضة مصري سنة 2020 عشان يبقى واحد من أهم أسابيع الموضة العالمية، ويعبر عن التراث المصري من خلال التصميم والحرف اليدوية.