زيادة 71% في استيراد العربيات الغالية من بداية 2018

موقع جريدة "المال" قال إن في ارتفاع كبير في معدل استيراد السيارات الغالية، في الأربع شهور الأولى من 2018. معدل الارتفاع ده وصل 71%، بإجمالى 1827 سيارة، مقابل 1068 وحدة خلال نفس الفترة من العام الماضى. استيراد النوع الفاخر من العربيات مثل 5% من إجمالي استيراد السيارات في الفترة دي واللي عددها 36 ألفًا، و251 سيارة، حسب البيانات الصادرة عن منفذ الإسكندرية الجمركي.

 

 

"مرسيدس" هي العلامة التجارية الأكثر استيرادًا في مصر في الفترة من يناير لإبريل، بإجمالي 1280 عربية، مقابل 512 عربية في 2017، بنسبة نمو 350%. "أودي" في المركز التاني ب220 عربية و"فولفو" في المركز التالت ب194 عربية. المركز الرابع أخدته "ميني" ب52 عربية.

 

 

 

 

حسين مصطفى، خبير سوق السيارات، قال للـ "المال" إن الفترة دي فيها الطلب بيزيد على الفئة دي من العربيات، وده تسبب في ارتفاع قوائم الانتظار على الطرازات الغالية، وتوقع إن مبيعات الفئة دي تزيد في نهاية السنة بنسبة 10%، عشان توصل نسبة المبيعات ل25% من إجمالي مبيعات سوق السيارات في مصر.