سياح اشتروا حمار مصري ب800 يورو وأخدوه معاهم سويسرا

مجموعة سياح سويسريين، متعودين يزوروا مصر دايمًا، في الزيارة دي شافوا حاجة زعلتهم شوية وقرروا يصلحوها. شافوا واحد بيضرب الحمار بتاعه في منطقة سقارة، فقرروا إنهم يشتروا الحمار ويعالجوه، وكمان ياخدوه مهاعم سويسرا. الحمار اندفع فيه 800 يورو، يعني أكتر من 16 ألف جنيه مصري، وعلى طول إجراءات سفره خلصت ودخل سويسرا باشا.

مجموعة السياح ماسكتوش على الراجل اللي ضرب الحمار، دول كمان استعانوا بمكتب للاستشارات القانونية علشان يرفعوا قضية على الراجل ويتهموه بتعذيب الحمار. عماد الشلقانى، الشريك الرئيسى لمكتب الشلقانى للاستشارات القانونية والمحاماة، قال لجريدة "البورصة"، إن السياح لجأوا ليه وإنه هياخد الإجراءات القانونية ضد صاحب الحمار. بالتوفيق للحمار.