إمام في لندن بيبعت ٤٠٠٠ كارت تهنئة بالكريسماس عشان يحسن صورة الإسلام

دكتور محمد فهيم، إمام مركز ثقافي إسلامي في لندن، بقاله عشر سنين بيبعت كل سنة ٤٠٠٠ كارت معايدة بمناسبة الكريسماس لناس كتير: سياسين، العيلة المالكة، جيرانه و زمايله في الشغل حوالين العالم، كل ده بهدف إنه يمحي المفاهيم الخاطئة اللي بتتتاخد عن الإسلام ويأكد على دلالة الكريسماس للمسلمين. الكروت بتبقي مصممة مخصوص عن طريق الإمام، وبتركز على أهمية المسيح والعدرا في الإسلام.

الكروت بتتضمن كلام عن القدس وآيات من القرآن عن المسيح ومريم العذراء، لما اتسأل عن السبب، قال إن في مفاهيم خاطئة عن الإسلام عايزة تتصلح وإنه يفكر الناس بمكانة المسيح عند المسلمين، ويشجع المسلمين إنهم يحتفلوا بالكريسماس ويدرسوا القصة وراه