زيادة سعر تذكرة حديقة الحيوانات ل25 جنيه بعد العيد

كشفت منى محرز، نائب وزير الزراعة لشئون الثروة الحيوانية والداجنة والسمكية، عن زيادة أسعار تذاكر حديقة الحيوان يوم فى الأسبوع، هيبقى سعر التذكرة فيه 25 جنيه بدل 5 جنيه اللي هو سعرها الحالي، بس الزيادة دي هتتطبق بعد عيد الأضحى المبارك.

وأوضحت نائب الوزير في تصريحات للإعلامية قصواء خلالى في برنامجها "صباح دريم"، والمذاع على شاشة قناة دريم، إن قرار زيادة أسعار التذاكر فى مصلحة غير القادرين، اللي مش ممكن نحرمهم من دخول الحديقة، وفي نفس الوقت لما القادرين يدفعوا تمن الخدمات هنقدر نطورها.