أول مهرجان للألعاب الإلكترونية في مصر من Insomnia UK
Insomnia Egypt – Egypt’s First Festival of Gaming
بعد 63 مهرجان للجيمز في إنجلترا، Insomnia UK هتعمل أول مهرجان للجيمز في مصر تحت اسم Insomnia Egypt لمدة 3 أيام ورا بعض، من يوم 11 أكتوبر لحد يوم 13 أكتوبر و ده هيكون أول مهرجان لألعاب الجيمز في مصر، بمعنى إن يكون في فرصة للناس تجرب ألعاب لسه مانزلتش زى Black Ops 4 وكمان بطولات جيمز كانت بتتعمل على الضيق في مصر زي Rainbow Six siege بالمشاركة مع سلايس اند دايس المنظم الرسمي لمسابقات إنسومنيا مصر.
صورة من مهرجان انجلترا
ومش مجرد بطولات و بس لاء هيكون في أقسام للأطفال زي bricks 4 kidz egypt و مكان مخصوص للعبة Minecraft كمان هيكون في يوتيوبرز من انجلترا زي Jack Taylor من قناة NerdOut و هيكون في جيمرز تقال من مصر كمان هيكون في يوتيوبرز من مصر زي هشام عفيفي
صورة من مهرجان إنجلترا
طبعاً المسابقات والبطولات إجمالي الجوائز فيها هتوصل 500 ألف جنيه، ده غير محلات وألعاب جديدة مش بس على الكمبيوتر ولكن على البلاىستيشن والاكس بوكس والموبايلات، و للناس بتوع النوستالجيا بقى، في قسم مخصوص لل Retro games
يعني مهرجان فريد من نوعه في مصر مش في دبي. التذاكر بتتباع في فيرجن ميجا ستور
- الموضوع اللي فات أوبر هتبقى في نص محافظات مصر في نهاية 2018
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
