كويتي اعتدى على مصري بالضرب في الكويت واتسبب في دخوله العناية المركزة

انتشر على السوشيال ميديا فيديو لمصري في الكويت شغال في سوبر ماركت، دخل كويتي بيطلب منه يشتري حاجة، فكان رد العامل المصري إن ده وقت غدا فمش هيقدر يقدمله الخدمة غير بعد انتهاء وقت الراحة، لكن الكويتي ماعجبهوش الكلام وضربه بوحشية وصلت إن المصري وحيد محمود دخل العناية المركزة دلوقتي.

السفيرة نبيلة مكرم وزيرة الدولة للهجرة وشئون المصريين بالخارج، هتسافر الكويت بكره تطمن على العامل المصري، وقالت إنها اتصلت بالسفير هناك عشان يتابع الحادثة بنفسه، الوزيرة قالت كمان إن ده حادث فردي مش هيأثر على علاقات البلدين ولا على حالة العمالة المصرية في الكويت.

السلطات الكويتية بيدوروا على الجاني وبيجمعوا كافة المعلومات عشان يرجعوا حق المصري حسب التصريحات. المصري خرج من العناية المركزة وقال شهادته في فيديو

الصورة أرشيفية