باسم يوسف هيعمل برنامج كوميدي مع لاري ويلمور في أمريكا

"باسم يوسف" هيرجع في Fantasy Show مع الكومديان الأمريكي "لاري ويلمور". الشو هيصور حياة أسرة عربية/ أمريكية عايشة في أمريكا، وهيتناول المشاكل اللي بتواجههم ونظرة البعض الدائمة ليهم إنهم في محل اتهام. "باسم" و"ويلمور" بيكتبوا السكريبت حاليًا إلى جانب إنهم منتجين منفذين للبرنامج تبع شركة ABC Studios.

الأسرة العربية في البرنامج -اللي لسه ماستقروش على اسمه- الأباء فيه عندهم قوة خارقة في زمن استخدام القوة الخارقة فيه ممنوع، عشان كده بيضطروا يستخدموا قواهم ويساعدوا الناس في السر. "ويلمور" أكد إن البرنامج مش هيكون أمريكي بالشكل المعروف ومالهوش أغراض سياسية ورسايل تخدم أمريكا يوصلها. وقال إنه لسه مافيش نيّة واضحة لتمثيل "باسم" في البرنامج نظرًا لإنه مامثلش قبل كده، لكن "ويلمور" شخصيًا يتمنى ده.