البنت اللي "سعد لمجرد" متهم باغتصابها بتحكي تفاصيل الواقعة

لورا بريول، البنت اللي اتهمت المطرب المغربي سعد لمجرد باغتصابها، عملت فيديو جديد علشان تحكي فيه تفاصيل الواقعة اللي حصلت من حوالي سنة، ولسه النجم المغربي بيتحاكم عليها. بريول هملت فيديو على يوتيوب بعنوان "الحقيقة"، وقالت إنها أخيرًا قررت إنها تظهر وتحكي اللي حصل في ليلة 26 أكتوبر 2016.

 

لورا قال إنها كانت في ملهى ليلي، ودعاها سعد لمجرد لطرابيزته، بعدين اقترح عليها يروحوا ملهى تاني، ومنها على فندق واحد صاحبه علشان يتبسطوا أكتر، حسب كلامها. لما وصلوا الفندق بتقول لورا إن لمجرد حاول يبوسها وهي مارضيتش، وده اللي عصّب سعد جدًا، وابتدى يضربها واغتصبها. بتكمل البنت: "لمجرد كان متفاجئ الصبح لما شاف الإصابات على جسمي وطلبلي مكعبات تلج لعلاج الإصابات"

 

القضية لسه ماصدرش فيها حكم نهائي، والكلام على عهدة صاحبته اللي قالت إنها بيجيلها تهديدات بالقتل.