مسؤول في موقف الهرم بيطلب من الرُكَّاب أكل وجاتوه علشان يركبهم

المسؤول عن تنظيم موقف "مشعل" في الهرم، الشهير بـ "هوجن"، استبدل نظام الطوابير في تحميل الرُكَّاب بالفلوس والحلويات. يعني اللي عايز يحجز مكان في الميكروباص يدفع له فلوس، غير الأجرة، وهيركب حتى لو في ناس واقفة من قبله، ويُستحسن بدل الفلوس يجيب حلويات وجاتوه. وفي بعض الأحيان بيركِّب البنات بس كمان. الموقف ده بتتجه عربياته لمدينة نصر، وبعض السوَّاقين بدل ما يحمِّلوا لآخر الخط اللي هو أول مكرم عبيد، بيحمِّلوا، بنفس الأجرة، لمناطق أقرب زي جامعة الأزهر وكلية البنات ورابعة العدوية.

بيشتكي الرُكَّاب من عدم وجود رقابة ولا حد يتابع ويحاسب السواقيين، سواء من المحافظة أو المرور.

الصورة الرئيسية أرشيفية.