الجهاز القومي لتنظيم الاتصالات منع بيع خطوط الموبايلات في المحلات

رئيس قطاع العلاقات الخارجية والقانونية في فودافون قال ان شركته هتوقف بيع شرايح خطوط الموبايلات او الSIM Cards من عند التجار والموزعين و اضاف ان بيع الخطوط هيتم بس من خلال مراكز الخدمة التابعة للشركة.

القرار جه بناءاً علي تعليمات الجهاز القومي لتنظيم الإتصالات لكل الشركات اللي في السوق. مصدر مسؤول بإحدي شركات المحمول قال إن بيع الخطوط من خلال الموزعين كان بيحقق معدلات شهرية مش هتتحقق بعد القرار الجديد واضاف إن الاستغناء عن خدمات الموزعين أمر صعب علي الشركات عشان كدة هيعتمدوا عليهم في عمليات بيع كروت الشحن وغيرها، جهاز الإتصالات اصدر القرار عشان يحد من ظاهرة بيع الخطوط بدون بيانات شخصية.