تونس هتدي دروس موسيقية للمؤذنين علشان تحسن صوتهم

حاجة لأول مرة تحصل في الدول الإسلامية، تونس قررت تدرب المؤذنين بتوع الجوامع، في معهد الرشيدية للموسيقى، وده علشان يحسنوا جودة صوتهم وجودة الإلقاء، كمان علشان يحاربوا التطرف. وزير الشؤون الدينية أحمد عظوم، قال إن التجربة دي هدفها تكوين المؤذنين في مجال التجويد، وأكد كمان إن الوزارة هتكون جيل جديد من المؤذنين على الطريقة التونسية.

 

المواطنين في تونس سبق واشتكوا من اللي بيرفعوا الأذان في المساجد بسبب صوتهم الوحش والإزعاج اللي بتعمله مكبرات الصوت. خطة التدريب دي هتشمل مساجد العاصمة تونس كمرحلة أولى، بعد كدة هتتعمم على كل المساجد في البلد كلها، علشان يحسنوا صوتهم ويوحدوا أدائهم.