"تويجانو" أبليكشن هيقولك تلبس إيه على إيه

كلنا عايزين نطقَّم بأقل مجهود، ازاي نستخدم التكنولوجيا عشان تحل لنا ده؟ أبليكشن Twigano سهِّلهالك.

الأبليكيشن، اللي بيتصنف إنه أول Online Fashion Platform، تم إنشائه أول السنة. ومن عليه تقدر تعمل فولو لـ Fashion Bloggers ومحلات معينة حابب تشوف لبسهم الجديد، من خلاله ممكن تتواصل مع صحابك اللي عندهم حسابات فيه وتعرض عليهم الحاجات اللي بتفكَّر تشتريها وتتشاركوا الآراء.

من خلاله كمان هتعرف أسعار كل قطعة ومصنوعة من إيه بالتفصيل، وهتقدر تشوف اقتراحات كتير لتكوين طقم، يعني لو عندك قطعة واحدة وعايز تكوِّن لها طقم كامل بس مش عارف تبدأ منين وتختار ألوان إيه، الأبليكشن هيساعدك كتير.

تقدر تنزِّله على الأندرويد والـ IOS.