وزارة الري المصرية أعلنت عن إنشاء 28 سد مائي و16 بحيرة صناعية في محافظات مختلفة من الجمهورية، عشان يواجهوا خطر السيول في السنين الجاية. الوزارة قالت إن الانتهاء من بناء السدود دي هيكون في نهاية 2020 بتكلفة 4.6 مليار جنيه، اتصرف منهم لغاية دلوقتي 1.7 مليار جنيه في إنشاء السدود والبحيرات.
من ضمن الخطة بتاعت الوزارة، إنشاء 11 سد و5 بحيرات بمحافظة جنوب سيناء، يتكلفوا 227 مليون جنيه، و11 سد و6 بحيرات في محافظة البحر الأحمر بتكلفة إجمالية 415 مليون جنيه. غير 4 سدود و3 بحيرات بمحافظات أسيوط والأقصر وأسوان، وسدين وبحيرتين في مرسى مطروح.
