مصر افتتحت 3 محطات توليد كهربا من أحدث نوع في العالم

افتتح الرئيس المصري عبد الفتاح السيسي النهاردة، 3 محطات لتوليد الكهرباء في البرلس والعاصمة الإدارية الجديدة وبني سويف. وحسب السفير بسام راضي، المتحدث باسم رئاسة الجمهورية، المحطات بتضيف 50% من الطاقة الكهربائية اللي بتتولد حاليًا، والمحطات دي من النوع الأحدث في العالم، بتشتغل بنظام الدورة المركبة، وتم الانتهاء منها في 3 سنين بس.

المحطات نفذتها شركة سيمنز الألمانية، والطاقة الإنتاجية للمحطات التلاتة مجتمعة 14400 ميغا وات. المحطات التلاتة بتعتمد على الغاز الطبيعي  وفيها 24 من توربينات سيمنز الغازية، طراز H-Class اللي بتضمن مستويات إنتاجية وكفاءة عالية. الشركة الألمانية سبق وقالت إن المحطات هتوفر الكهربا ل45 مليون مواطن وهتوفر لمصر 1.3 مليار دولار سنويًا.