مصر هتعمل 17 محطة لتوليد الطاقة الشمسية في المدن الجديدة

وزارة الإسكان المصرية، أعلنت في بيان عن إنشاء محطات توليد طاقة شمسية جديدة، وتشغيل 17 محطة في المدن الجديدة. الوزارة قالت في البيان، إن المحطات اللي هتشتغل هتكون في مدن برج العرب الجديدة، والشيخ زايد، وقنا الجديدة، والسادات، و6 أكتوبر، والقاهرة الجديدة، والشروق، والعبور، والعاشر من رمضان.

البيان وضح إن الوزارة عملت محطات طاقة شمسية في بعض المباني الحكومية والطرق الرئيسية في 12 مدينة جديدة، بإجمالي قدرة 600 ك/واط ساعة، وبتكلفة 10 مليون جنيه. كل اللي بيحصل ده ضمن خطة بدأتها مصر في 2014، الهدف منها توليد 4.3 جيجا واط كهربا من الطاقة الشمسية وطاقة الرياح، كمان البنك الدولي كان وافق على تمويل مشروع لإنتاج الطاقة الشمسية بتكلفة 660 مليون دولار.

مصر عاوزة توصل لسنة 2022 وتكون مصادر الطاقة المتجددة بتشكل 20% من احتياجاتنا في الطاقة.