صيدليات في مصر بترفض تبيع واقي ذكري من غير قسيمة جواز

تداول أكتر من شخص على السوشيال ميديا، خبر منع الواقي الذكري في بعض الصيدليات في مصر، وقالوا إن الصيدليات رفضت تبيعلهم واقي ذكري من غير تقديم قسيمة الجواز الخاصة بيهم. لكن لحد دلوقتي مافيش جهة رسمية أو مصدر مسؤول من وزارة الصحة قال السبب، وهل ده قرار فردي من أصحاب الصيدليات ولا ليه علاقة بالوزارة.

وذكر "أحمد م" إنه لمَّا سأل الصيدلي اللي رفض يبيع الواقي قال ليه "في وسائل منع أفضل"، ولمَّا صمم "أحمد" إنه يشتري واقي رفض الصيدلي وطلب منه يدوَّر عليه في مكان تاني. وفقًا لـ The World Bank نسبة الستات اللي بيستخدموا وسائل تحديد النسل في مصر أزيد من 58.5%، نسبة كبيرة منهم بيلجأوا للواقي الذكري كوسيلة أكثر آمان من اللولب والأدوية الكيميائية.