مدرس فلسفة بيستعين برقاصة وتنورة وتعبان عشان يشرح المنهج

انتشرت خلال الفترة اللي فاتت، ظاهرة إن المدرسين يحفظوا الطلبة المنهج بالأغاني والرقص، الموضوع بيتعمل من زمان، بس في الفترة الأخيرة ابتدى ياخد منحنى تصاعدي، وبقت الأساتذة بتتنافس مين اللي يعمل أغرب طريقة، أو مين اللي يعدي الحدود أكتر من الباقيين، عشان اسمه ينتشر أكتر، وياخد سمعة وطلبة وفلوس أكتر، أو جايز شايف إن دي رسالته وإنه بكدة بيوصل المعلومة بشكل أسرع وأحسن.

آخر تقليعة في التدريس، كان بطلها مدرس الفلسفة عمر حامد، جاب فنانة استعراضية معاه في الحصة، وظهرت صور ليها وهي ماسكة تعبان ولفاه حواليها، وائل الإبراشي جابه في الحلقة وابتدى يتناقش معاه، وكان مبرر الأستاذ، إن ده جزء من المادة التعليمية، وإن ده طبيعي جدًا ودي الطريقة المتبعة في اليابان.

في تقرير تاني عملته DMC بيظهر فيه الحصة اللي استعان فيها المدرس بالرقاصة والحيوانات جوه الحصة