المصريين بيمثلوا ربع سكان الوطن العربي

الجهاز المركزي للتعبئة والإحصاء أعلن امبارح عن أحدث تعداد لسكان مصر، عدد السكان تجاوز 104 مليون بني آدم، الله أكبر يعني. وبما إن عدد سكان الوطن العربي كله حوالي 422 مليون نسمة، يبقى مصر كدة وصلت رسميًا إنها تمتلك لوحدها ربع سكان الوطن العربي، اللي حسب كتاب الدراسات كان فيه 22 دولة!

أبو بكر الجندي، رئيس الجهاز المركزي للتعبئة العامة والإحصاء، قال إن عدد السكان زاد 22 مليون في 10 سنين، وده معدل عالي جدًا طبعا. تحتل مصر حاليًا المركز 13 بين دول العالم من حيث عدد السكان. تعداد 2017 هو التعداد رقم 14 في تاريخ مصر، أول تعداد كان سنة 1897.