النيابة غرمت طالب مصري 1050 جنيه بسبب "رقصة كيكي"
Do you love me?
أخلت النيابة العامة المصرية سبيل طالب جامعي بعد ما غرمته 1050 جنيه بسبب إنه عمل رقصة كيكي بعربيته وصور فيديو لده، ورغم انتشار فيديوهات "كيكي" على الإنترنت والفيسبوك، إلا إن دي المرة الأولى اللي النيابة تستدعي فيها حد بسببها.
وقالت وزارة الداخلية المصرية في بيان إنها رصدت تداول مقطع الفيديو على مواقع التواصل الاجتماعي وإنه قائد السيارة نزل منها أثناء سيرها بالطريق العام، وساب عجلة القيادة والعربية بتمشي من غير سائق، وده عرض حياته وحياة المواطنين والمارة وقائدي السيارات للخطر، وعشان كده تم توقيع غرامة عليه.
الإدارة العامة للمرور صرحت إن اللي هيتم رصده بيعمل "رقصة كيكي" هيتم توقيع غرامة فورية عليه بحد أقصى 5100. وقالوا إنهم هيتخذوا التدابير الأمنية اللازمة، لضبط أي صورة للخروج عن قوانين المرور، مع إحالة أي متسبب في حوادث السير إلى النيابة العامة.
- الموضوع اللي فات حوار مع أول طالبة هندسة مصرية بتقود فريق تصميم أسرع وسيلة مواصلات في العالم
- الموضوع اللي جاي صلي واقرا قرآن.. روشتات العلاج النفسي في مصر
مواضيع مشابهة
الأكثر متابعة هذا الشهر
-
13 فبراير 2025 -
-
-
