وزارة الصحة هتوفر 6 "لبوسات" لمنع الحمل بجنيه ونص

وسيلة جديدة آمنة لمنع الحمل، هتكون متاحة من وزارة الصحة للمواطنين قريب. الدكتورة سعاد عبد المجيد، رئيس قطاع السكان وتنظيم الأسرة بوزارة الصحة، قالت إن هتكون في وسيلة جديدة لمنع الحمل، بارة عن 6 أقراص موضعية (لبوس) تستخدم قبل العلاقة الزوجية بعشر دقائق، يتم شرح طريقة استعمالها للسيدة اللي هتستخدمها، ودي وسيلة آمنة ومش بتستخدم غير في وقت العلاقة الزوجية.

الوسيلة دي هتكون متاحة خلال 10 أيام في كل الوحدات الصحية، ومالهاش أي تأثير على السيدات المصابات بأمراض الضغط والسكر والسمنة ومش بتأثر على الهرمونات خالص، غير إن سعرها هيكون جنيه ونص بس وهي وسيلة على المدى القصير فهتناسب الستات اللي مش عاوزين يستخدموا وسائل على المدى الطويل.